ჩვენი მიზნები

 
  • დავიცვათ და პოპულარიზაცია გავუწიოთ საქართველოს ისტორიულ-კულტურული მემკვიდრეობას;
  • განვახორციელოთ საქართველოში განადგურების საფრთხის წინაშე მდგარი ისტორიულ-კულტურული მემკვიდრეობის ძეგლების გადარჩენისკენ მიმართული ღონისძიებები, აგრეთვე მონაწილეობა მივიღოთ ჩვენი პარტნიორი ორგანიზაციების მიერ განხორციელებულ მსგავს საქმიანობებში;
  • დავნერგოთ კულტურული მემკვიდრეობის დაცვის სფეროში მსოფლიოში არსებული პრაქტიკა, როგორც კვლევის, განათლების, კონსერვაციის, ტრენინგების მართვის, და ცნობიერების ამაღლების მიმართულებით;
  • ვიმუშაოთ ისტორიულ-კულტურული მემკვიდრეობის პოლიტიკის ჩამოყალიბებაზე პასუხისმგებელ პირებთან, მმართველობის ყველა დონეზე: ადგილობრივი, რეგიონალური, ეროვნული და გლობალური მასშტაბით;
  • ხელი შევუწყოთ საქართველოში კულტურული მემკვიდრეობის მხარდამჭერ სამოქალაქო მოძრაობას;

 ჩვენი ფასეულობები

 
  • კულტურული მემკვიდრეობა აუცილებელია ერთიანი და სტაბილური საქართველოსთვის;
  • განვითარების ფონზე კულტურული მემკვიდრეობის მიმართ პატივისცემის და მისი დაცვის მაღალი დონის შენარჩუნება;
  • კულტურული მემკვიდრეობა არ არის წარსულის ნაშთი; ეს არის დღევანდელი და ხვალინდელი დღის მნიშვნელოვანი, სასარგებლო და მიწვდომადი ნაწილი;
  • ჩვენი კულტურული მემკვიდრეობა ეკუთვნის მომავალ თაობებს და მისი მოვლა-პატრონობა დღეს თითოეული საქართველოს მოქალაქის პასუხისმგებლობაა;

 ჩვენი ხედვა

 
  • სამოქალაქო საზოგადოებაზე დაყრდნობით, კულტურა და კულტურული მემკვიდრეობა უნდა იქცეს წარმატებული საქართველოს პროექტის ბირთვად, რაც დიდ სარგებელს მოუტანს მომავალ თაობებს;
  • კულტურა და კულტურული მემკვიდრეობა ნებისმიერი საზოგადოების, მისი ხასიათის და იდენტობის განუყოფელი ნაწილია, მისი დაკარგვა ან განადგურება გარემოებების მიუხედვად დაუშვებელია;